رحلة القلوب : الحج ~

السلام عليكم ورحمة الله ..

بعد شهر تقريباً .. يبدأ موسم الحج ..
الكثير اللحين بفترة التجهيز للحج ..
من اختيار للحملات المناسبه .. واللبس اللي يصلح واللي ما يصلح ..

قبل ما نتكلم عن اللبس وخرابيطنا اللي ماتخلص ..
ودّي نتلكم عن الحج نفسه كـ فرض ..كـ إكمال للدين .. شي عظيم ..
الحج واجب مره في العمر .. يعني لازم لازم نجتهد انها تكون بشكل يرضي ربنا عنا ..
يكفي قول الرسول اللهم صلي وسلم عليه ( من حج فلم يرفث ولم يفسق رجع من ذنوبه كيوم ولدته أمه ) .. فيه شيْ اجمل من الانسان يرجع نظييف خفيف بدون ذنوب ..

ادخلوا على مواقع المشايخ زي ابن عثيمين وابن باز الله يرحمهم .. افهموا صفة الحج ..
( الواجبات / الأركان / الأحكام / المحضورات / الفتاوى والفتاوى الخاصه للنساء لان يمكن تحتاجونها ..
وحتى اليوتيوب مليااان مقاطع توضح بالصوت والصوره صفة الحج ..
استغرب انه فيه بنات رايحين للحج ..ويسألون اليوم وش راح نسوي .؟ ومتى نروح لعرفه .؟ متى نرمي ؟
معليييش المفروض قبل مانروح للحج نكون عارفين كلللل شيء ..

أحكام المرأه والحج ..
http://saaid.net/mktarat/hajj/mr.htm

رحلة القلوب ..
عنوان الموضوع اقتبسته من موضوع محاضره للشيخ عبدالمحسن الأحمد ..
اتمنى اتمنى تسمعون هالمحاضره .. شيء اقل ما يقال عنها انها رووووعه .... اغلب اللي كانوا معي سمعوها ..
عنوانها رحلة القلوب ..
1
https://www.youtube.com/watch?v=5AluuVPUiUY
2
https://www.youtube.com/watch?v=CxjtXzIfIq8
3
https://www.youtube.com/watch?v=Ic7AboQ2Lqk
4
https://www.youtube.com/watch?v=Tgw_YtLQuDo

* طبعاً راح يجي اوقات بتكونون جالسين بالخيام ..
حملوا بالجوالات او الايبود .. محاضرات .. قران .. ادعيه ..
واحياناً اثناء التنقلات بين المشاعر ممكن تجلسون فترة طويله بالباص .. وعشان ما تملون او تأففون ركبوا السماعات واستمعتو بالمحاضره وبكذا ماتحسون الا وانتم واصلين ..

وهذي بعض المحاضرات ..
رحلة الحج .. للشيخ راشد الزهرني ..
https://www.youtube.com/watch?v=AoEFahwweHw
https://www.youtube.com/watch?v=OMTjb...eature=related

تأملات في سورة الحج .. الشيخ عبدالمحسن الأحمد ..
https://www.youtube.com/watch?v=vwdruTytZUc

الحج تطهير وتنقيه .. الشيخ نبيل العوضي ..
https://www.youtube.com/watch?v=vwdruTytZUc


* أيام الحج .. ايام فيها روحانيه عجيبه . استغلوا هالأيام قد ماتقدرون .. احتمال تواجهكم اشياء تخرب عليكم .. يعني ممكن مكيف المخيم يخرب .. ممكن تكون الحمله غير التوقعات .. ممكن الحريم اللي معك بالخيمه تصرفاتهم ماتعجبك .. لكن لاتخلون هالاشياء تخرب عليكم ..
وتذكروا ( فلا رفث ولا فسوق ولا جدال في الحج ) ..
هي كلها 6 ايام ان شاء الله وكل واحد بيرجع بيته ..

* راح تتعرفون على بنات اكيد لا تنشغلون بالسواليف .. وتذكروا الغرض الأساسي من الحج ..

* يوم عرفه ..
غالباً تكون خيمة كبيره وفيها مجموعه كبيره من الحريم .. عشان كذا اختاروا لكم مكان صاد شووي ..
واستغلوا كل ثاانيه بهاليوم وتذكروا ( الحج عرفه )..


نجي للاغراض اللي تحتاجونها ..
* عبايتين .+ طرحتين + نقابين + 2 غطاء وجه ..
* مقص صغير لتقصر الشعر ..
* شراباااات ..
* صيدليه صغيره ..
* شنطه صغيره بحجم الجوال .. تحطون فيها الجوال + شويه فلوس
* الشنط الكبيره حاولوا تكون مغلفه ببلاستيك .. عشان لوو جاء مطر ولا شيء ما تنحاس الشنط والملابس ..
او جيبو معكم سفره الاكل واذا جاء مطر غطو الشناط ..
* بالنسبه للأكل كل حمله تختلف عن الثانيه .. لكن جيبوا معكم شيء متعودين عليه مثلاً شابوره .. لان الاكل الثقيل يتعب باستمرار .. حنا كنا ماخذين معنا استعدادنا ( شابوره + بسكوتات خفيفه و معمول )
وتشوكليت ليوم العيد .. لان بتشوفون اللي معكم كلاً بيطلع حلاوة العيد ..
اللبس :
*اهم شي كثرووووا ملابس داخليه .. لان اساساً مافيه مكان تغسلون فيه .. + مافيه مكان تنشرون فيه ..
فـ أريح لكم خذوا عدد يكفيكم ..
يوم حجيت كنت محتاره اخذ قمصان ولا تنانير .. البناطيل مافكرت فيها اولاً عشان الحكم الشرعي ثانياً المكان مو مناسب ..
فـ أخذت معي قمصان مرتبه وتنورتين وحده جنز ووحده سوداء ..
واستلهكت القصمان بششششكل ماتوقعته .. مع اني كنت مستحيه كيف ابلبس قميص عند باقي الحريم .. والحمدلله اغلب اللي بالحمله كانو يلبسون قمصان .. فـ الوضع كان مريح الحمدلله ..ـ
وخذوا معكم لبس مرتب للعيد ..
مجفف هواء او استشوار حسب اللي متعودين عليه ..


الموضوع ما يرتقي ابداً لمستواكم .. لكن حبيت افيدكم ولو بشكل بسيط ..
لاتنسوني من دعائكم ..

اخت شانيل الله يجزاك خير على الموضوع المفيد والقيم

بارك الله فيك وبك